再相信皇马一次

不計歐聯作客不敵里昂一仗，皇家馬德里在西甲經已兩連敗，雖謂兩次敗陣皆與球證錯判有關，但整體表現毫無疑問仍令擁躉非常失望。慶幸�【毐R森貝高在人腳不整的情況下，決定在今仗主場迎戰畢爾巴放棄採用古靈精怪的「4-2-2-2」陣式，復用傳統的「4-4-2」陣式。預期皇馬演出將會好轉，讓一球的上盤可以一博！（有線61、中央台5台及泰星UBC35台周五凌晨04:00直播）

盧森貝高一心想皇馬採用其「4-2-2-2」陣式，好讓幾名森巴愛將可以齊齊落場，又不影響魯爾和碧咸兩名球星的上陣機會。但實際效果差強人意。冒險放棄翼鋒的踢法，令到球隊進攻過分倚重中路滲入，敵方易於防守唔在講，一旦攻擊球員缺態，個人突破失靈的話，入波的難度便會大大提高。上場○比一不敵愛斯賓奴，與這個陣式失效有莫大關係。

客軍箭頭烏沙斯缺陣

雖然皇馬連輸三場，今場對畢爾包仲只係讓一球，值唔值得再追皇馬就係見仁見智，但係我山度士就覺得值得信多盧森貝高一次，事關一來賽前已有消息傳出，假若皇馬今場再唔贏波止血的話，該名巴西�☆^將會被炒。二來皇馬今場因為有巴迪斯達和沙治奧拉莫斯停賽，以及希古拿和施丹因傷倦勤，因為唔夠人用，所以會踢番「4-4-2」。前線由朗拿度拍魯爾，中場左邊開始係羅賓奴、加維臣、加布加西亞和碧咸，後防卡路士和沙加度會續任左右閘，中間就會由美查亞拍住好番好耐的活基治。相比起之前的陣容，真係正路好多，要贏近兩仗只得一和一負兼有烏沙斯缺陣的畢爾包，應該無甚難度！一於信多皇馬一次咁多啦！

投注錦囊

THU四3

捧皇馬上盤

要埋2倍主主

大哨爭取100球吼實

皇馬三連敗，全體球員都響起警號，今場唔贏唔掂。睇番上場輸畀愛斯賓奴之戰，睇得出當時代表皇馬踢第一百場聯賽朗拿度，認真落力，只是欠缺運氣，臨門一腳搞唔掂。
不過，家陣仍力爭個人為皇馬在各項賽事射入第一百球「哨牙仔」朗拿度，今場必定會盡展真功夫，首名入球就算只得4倍略為嫌熱都要捧場。

邊隊先入波追到底

皇家馬德里連續三場先失波，同樣追唔番輸到落尾，假如今晚大家玩即場投注時見到畢爾包先開紀錄，睇怕唔值得貪好分去博和波或者主勝。
受到中場大腦施丹缺陣影響，近期皇馬前線根本無足夠彈藥攻門，今場再有新加盟的巴迪斯達停賽，假如被畢爾包先攻陷的話，恐怕好難擺脫連續四場先失波輸到尾的命運，不宜盲目追捧。

另一方面，畢爾包先失波亦唔好過，對上十次六次先失守得一和五負收場，換言之今場波邊隊先入球就好有機會三分。