曼城打比戰降「魔」

曼城打比戰降「魔」

今晚爆發曼徹斯特市打比大戰，雖然曼城作客奧脫福球場已經三十一年未贏過，但今次卻被視為兩軍實力最接近一次，曼城自皮雅斯執教後，創下跨季十二場不敗成績，其接近七成贏盤率，為佢帶來「贏盤領隊」稱號。即使曼城今仗未能打破宿命，守和「紅魔鬼」亦絕對唔奇，「讓球主客和」客勝有2.75倍值得捧場。（有線英超台63周六晚10時直播）

今季開局極佳，三戰三勝未失一球，攻守都有明顯進步，但曼城亦唔失禮，聯賽連贏三場，升上聯賽榜第二位，只要今場唔輸，就可繼續壓住同市「宿敵」曼聯，戰意同鬥心唔使懷疑。

自皮雅斯上季季尾接手後，成隊波風格踏實左好多，除首仗輸畀熱刺外，及後跨季十二場聯賽都未輸過，其中九場贏盤，贏盤率接近七成，係現今贏盤率最高既「英超領隊」。事實上，曼城每逢對曼聯都發揮超水準，上季作客亦逼和○比○，前季主場更大勝四比一，曼城季初咁弗，今仗倒戈相向�鞲郀柲_風又咁順，對住曼聯唔係冇得打，有機會搶分成功。

曼聯戰將交惡運

季初雖連贏三仗，但經過國際賽後，球員狀態能否及時調整實屬疑問，尤其係曼聯陣中主將近排交上惡運，堅尼、奧沙、朗尼、里奧費迪南同傑斯代表既國家隊都輸波，基斯坦奴朗拿度因喪父今仗缺陣，加上下周中歐聯要硬撼維拉利爾，今仗隨時係曼聯由盛轉衰既轉捩點。